سی پیک پاکستان اور چین کی مضبوط دوستی کا عکاس ہے،مرتضیٰ سولنگی

اسلام آباد (ڈیلی گرین گوادر) نگران وزیراطلاعات مرتضیٰ سولنگی نے کہا ہے کہ سی پیک پاکستان اور چین کی مضبوط دوستی کا عکاس ہے۔پاکستان اور چین کے تعلقات ہر گذرتے دن کے ساتھ مضبوط ہو رہے ہیں۔اسلام آباد میں تقریب سے خطاب کرتے ہوئے انہوں نے کہا کہ چین اور پاکستان کے درمیان مختلف شعبوں میں تعلقات فروغ پا رہے ہیں اور ثقافتی وفود کا تبادلہ جاری ہے۔

وزیر اطلاعات نے کہا کہ سی پیک کے آغاز سے پاکستان اور چین کے عوام کے تعلقات نئی بلندیوں تک پہنچے۔پاکستان میں چینی زبان سیکھنے والوں کی تعداد میں اضافہ ہوا ۔انہوں نے کہا کہ دونوں ملکوں کے درمیان سیاحت کے شعبوں میں وسیع مواقع موجود ہیں۔