دھمکیوں پر زور ہے لیکن ایسے نہیں چلے گا ، چودھری فواد حسین

اسلام آباد: وفاقی وزیر سائنس اینڈ ٹیکنالوجی چودھری فواد حسین کا کہنا تھا کہ کسی ایک اپوزیشن لیڈر نے میرٹ پر کیس میں لگائے گئے الزامات کا جواب نہیں دیا۔
سماجی رابطوں کی ویب سائٹ ٹویٹر پر جاری بیان میں انہوں نے کہا کہ سارے اپوزیشن لیڈرز اپنے بیانات میں کہتے رہے کہ یہ کر دیں گے، وہ کر دیں گے لیکن کسی ایک اپوزیشن لیڈر نے بھی میرٹ پر کیس میں لگائے گئے الزامات کا جواب نہیں دیا۔
انہوں نے کہا کہ صرف دھمکیوں پر زور ہے لیکن ایسے نہیں چلے گا۔ اب پیسے واپس کرنا ہوں گے یا جیل جانا ہوگا۔ گزشتہ روز بھی اپنے ایک ٹویٹ میں فواد چودھری نے لکھا تھا کہ میڈیا میں گفتگو یہ ہونی چاہیے کہ شہباز شریف پر مقدمہ کیا ہے، شہادتیں کیا ہیں اور کیا ان شہادتوں کی موجودگی میں گرفتاری جائز ہے یا نہیں؟