قلات، لیویز فورس کی کاروائی بجلی کے 11ہزار کے وی کے کھمبوں کی چوری شدہ تاریں برآمد 4ملزمان گرفتار
قلات (ڈیلی گرین گوادر) قلات میں لیویز فورس نے کاروائی کر تے ہوئے بجلی کے 11ہزار کے وی کے کھمبوں کی چوری شدہ تاریں برآمد کر کے 4ملزمان کو گرفتار کر کے واردات میں استعمال ہونیوالی ایک عدد موٹر سائیکل ایک عدد کٹر برآمد کرلیا۔لیویز نے تھانہ قلات میں گرفتار ملزمان و برآمد شدہ مسروقہ سامان میڈیا کے سامنے پیش کرکے تفصیلات بتاتے ہوئے کہا کہ قلات سٹی کپوتو پندران نیچارہ سمیت مختلف فیڈرز کے 11 ہزار کے وی کی تاریں مختلف اوقات میں چوری ہورہی تھی گزشتہ رات بھی نیچارہ پندران فیڈر پر چار ملزمان 11 ہزار کے وی کی تاریں کٹر کیساتھ کاٹ رہے تھے جس کی خفیہ اطلاع ملنے پر ڈپٹی کمشنر قلات حافظ محمد قاسم کاکڑ کے احکامات کی روشنی میں اسسٹنٹ کمشنر ساگر کمار کی ہدایت پر نیچارہ لیویز انچارج میر رشید نیچاری، کانسٹیبل میر عبدالرحیم، کانسٹیبل محمد عثمان کانسٹیبل رحمت اللہ و دیگر نے بروقت کارروائی کرکے چھاپہ مار کارروائی کرتے ہوئے ملوث ملزمان جمعہ خان عرف بابل، عنایت اللہ، غلام نبی، اور ظفراللہ کو موقعہ پر رنگے ہاتھوں گرفتار کرکے بھاری مقدار میں مسروقہ تاریں و کٹر اور واردات میں استمعال ہونے والی ایک عدد موٹر سائیکل قبضے میں لے لی تمام ملزمان سے قلات لیویز نے تفتیش شروع کردی ہے ملزمان سے اہم انکشافات کی توقع کی جاری ہے
