اوتھل،بیلہ اور لاکھڑا پولیس کی مشترکہ کامیاب کار روائی 2 ملزمان گرفتار، اسلحہ و ایمونیشن برآمد
اوتھل (ڈیلی گرین گوادر) اوتھل،بیلہ اور لاکھڑا پولیس کی مشترکہ کامیاب کارروائی 2 ملزمان گرفتار، اسلحہ و ایمونیشن برآمد ملزمان کے خلاف مقدمہ درج کرکے مذید تفتیش شروع کردی۔لسبیلہ پولیس کے ترجمان کی پریس رہلیز کے مطابق لسبیلہ پولیس کو اطلاع ملی کہ تھانہ اوتھل کے ایریا موضع گاہو سکن کے مقام پر جرائم پیشہ افراد موجود ہیں جو کہ اوتھل،بیلہ کے علاقے میں کہیں بھی واردات کر سکتے ہیں۔اس مصدقہ اطلاع پر ایس ایس پی لسبیلہ کی خصوصی ہدایت پر SHO اوتھل جان محمد جاموٹ، SHO بیلہ یار محمد کمانڈو، SHO لاکھڑا عبدالغفور نیدیگرآفیسران و اہلکاران پولیس تھانہ اوتھل، بیلہ و لاکھڑا زیر نگرانی ڈی ایس پی/ایس ڈی پی او اوتھل محبوب علی گچکی کے مطلوبہ مقام موضع گاہو سکن میں ایک جھگی نما مکان پر چھاپہ مارا تو ملزمان نے فرار ہونے کی کوشش کی لیکن پولیس پارٹی نے کامیاب تعاقب کے بعد دو ملزمان جلال خان ولد دھنی بخش اور نیاز علی ولد جلال خان ساکنان ڈیرہ مراد جمالی حال اوتھل کو گرفتار کرکے ملزمان کے قبضہ سے ایک ضرب رائفل شاٹ گن 03 عدد کارتوس اور ایک ضرب ٹی ٹی پسٹل بمعہ لوڈ میگزین 07 عدد کارتوس برآمد کیئے۔گرفتار ملزمان کے خلاف بلوچستان اسلحہ ایکٹ کے تحت تھانہ اوتھل میں مقدمات درج رجسٹرڈ کیے گئے ہیں۔ گرفتار ملزمان سے مزید تفتیش جاری ہے۔
