لکی مروت، پولیس موبائل پر فائرنگ سے دو اہلکار شہید 3 زخمی
پشاور (ڈیلی گرین گوادر) خیبرپختونخوا کے علاقے لکی مروت میں نامعلوم مسلح افراد نے پولیس کی گاڑی پر فائرنگ کی جس میں دو اہلکار شہید اور تین زخمی ہوگئے۔
لکی مروت کے تھانہ پیزو کی معمول کے گشت پر مامور پولیس موبائل پر مسلح افراد نے اندھا دھند فائرنگ کی جس کے نتیجے میں بشیر خان اور سیف علی خان نامی اہلکار موقع پر ہی شہید ہوگئے۔پولیس کے مطابق فائرنگ کے واقعے میں عصمت اللہ، امداد اور انعام اللہ زخمی ہوئے جنہیں طبی امداد کیلیے اسپتال منتقل کردیا گیا ہے۔
