خضدار، ڈیمز تالاب ندی نالوں ودیگر پکنک پوائنٹس پر دفعہ 144 نافذ
خضدار (ڈیلی گرین گوادر) ڈپٹی کمشنر خضدار کے ایک اعلامیہ کے مطابق ڈسٹرکٹ خضدار میں ڈیمز تالاب ندی نالوں ودیگر پکنک پوائنٹس پر دفعہ 144 نافذ کردیا گیا ہے۔ پی ڈی ایم اے کی جانب تیز اور موسلادھار بارشوں کی پیش گوئی اور الرٹ جاری کرنے کے بعد ضلعی انتظامیہ نے شہریوں کے نام اہم و ضروری ہدایات جاری کرتے ہوئے کہا ہیکہ ایک ہفتے تک شدید بارشوں کے پیش نظر پکنک پوائنٹس ڈیمز اور ندی نالوں کے کنارے جانے اور پکنک منانے سے اجتناب کریں۔ خلاف ورزی کرنے والوں کے خلاف کارروائی عمل میں لائی جائے گی۔
