پاکستان پیپلزپارٹی تمام زبانیں بولنے والوں کاایک خوبصورت گلدستہ ہے،ماہ جبین خالدجمالی

کوئٹہ(ڈیلی گرین گوادر) پاکستان پیپلز پارٹی بلوچستان خواتین ونگ کی نائب صدر و فوکل پرسن ورکرز ویلفیئر بورڈ اسکولز ماہ جبین خالدجمالی نے کہا ہے کہ پاکستان پیپلزپارٹی تمام زبانیں بولنے والوں کاایک خوبصورت گلدستہ ہے پارٹی نے ہمیشہ بلا رنگ و نسل عوام کی خدمت کی ہے،پاکستان پیپلز پارٹی پارلیمنٹرین کے صدر آصف علی زرداری نے ہمیشہ تمام نوابوں اورسرداروں کااحترام کیاہے سابق صدر آصف علی زرداری کے ایک نجی ٹی وی کودیئے گئے انٹرویو کو بعض افراد توڑ مروڑ کر پیش کرکے اپنے سیاسی مقاصد حاصل کرناچاہتے ہیں عوام اب باشعورہوچکے ہیں انکے بہکاوے میں نہیں آئیں گے۔یہاں جاری ہونے والے ایک بیان میں ماہ جبین خالدجمالی نے کہاکہ سابق صدرمملکت آصف علی زرداری نے نوابوں،سرداروں اور قبائلی شخصیات کو عزت و احترام دینے اور اپنی خاکساری پر جمالی قبیلے کے سردار کا حوالہ دیا تھاموصوف خود ایک قبائلی سردار ہے اور وہ قبائل و معتبرین کی عزت و احترام کرنا جانتے ہیں۔انہوں نے کہا کہ بعض سیاسی رہنما اپنے ذاتی مفادات کے حصول کیلئے سابق صدر مملکت آصف علی زرداری کے انٹرویو کو غلط انداز میں پیش کررہے ہیں جس کی پاکستان پیپلزپارٹی بلوچستان مذمت کرتی ہے۔انہوں نے کہاکہ سابق صدرمملکت آصف علی زرداری ایک منجھے ہوئے سیاستدان ہیں اور وہ خودبھی ایک قبائلی سردار ہیں انہوں نے کبھی بھی کسی سرداریانواب اورقبیلے کے بارے میں متنازعہ گفتگو نہیں کی۔انہوں نے کہا کہ پاکستان پیپلزپارٹی تمام زبانیں بولنے والے تمام قوموں کاایک خوبصورت گلدستہ ہے اور پیپلز پارٹی تمام قوموں کو عزت و احترام کی نگاہ سے دیکھتی ہے اور پارٹی جب بھی اقتدارمیں آئی پورے ملک میں ریکارڈ ترقیاتی کام کروائیے جو پارٹی کے دشمنوں کو ہضم نہیں ہوتے اسلئے وہ پارٹی کے خلاف پروپیگنڈہ کرتے رہتے ہیں۔