کراچی، ائیرپورٹ پر بیرون ملک سے آنے والے مسافر سے اسلحے کے پُرزے برآمد

کراچی(ڈیلی گرین گوادر) کراچی ائیرپورٹ پر بیرون ملک سے آنے والے مسافر سے 15 کلو گرام وزنی اسلحے کے پرزے برآمد ہوئے ہیں۔اینٹی نارکوٹکس فورس (اے این ایف) ذرائع کے مطابق مسافر عدنان ہاشمی اپنے اہل خانہ کے ساتھ غیر ملکی پرواز سے استنبول سے کراچی پہنچا تھا۔ذرائع کے مطابق اینٹی نارکوٹس فورس نے عدنان ہاشمی کے سامان کو شک کی بنیاد پر روکا، جسے چیک کیا تو سامان سے رائفل کے پرزے برآمد ہوئے۔ذرائع کے مطابق مسافر سے برآمد ہونے والے غیر ملکی ساختہ AR۔15 رائفل کے پرزوں کا وزن 15 کلو گرام ہے، مسافر عدنان ہاشمی کے پاس رائفل کے پرزے لے جانے کے لیے اتھارٹی لیٹر نہیں تھا۔مزید تحقیقات کیلئے ملزم مسافر عدنان ہاشمی کو کسٹمز کے حوالے کردیا گیا ہے۔