صدر شی چنگ پنگ نے پاک چین دوستی میں جس بہترین انداز میں کردار ادا کیا ہے اسکی نظیر نہیں ملتی،میر جان محمد جمالی

کوئٹہ(ڈیلی گرین گوادر) اسپیکر بلوچستان اسمبلی میر جان محمد خان جمالی نے چین کے صدر شی جن پنگ کو تیسری مرتبہ چین کا صدر منتخب ہونے پر مبارکباد پیش کی۔ جمعہ کو اسپیکر بلو چستان اسمبلی میر جان محمد جما لی نے اپنے جاری کردہ بیان میں کہا کہ وہ صدر شی جن پنگ کو چین کا صدر کے طور پر تیسری بار منتخب ہونے پر دل کی گہرائیوں سے مبارکباد پیش کرتے ہیں۔ اسپیکر نے کہا کہ شی جن پنگ کا تیسری بار منتخب ہونا چین کے عوام کی طرف سے ان کی خدمات کے اعتراف اور ان کی قابل قیادت پر ان کے اعتماد کا ثبوت ہے۔ صدر شی چنگ پنگ نے پاک چین دوستی میں جس بہترین انداز میں کردار ادا کیا ہے اسکی نظیر نہیں ملتی۔ شی جن پنگ کے انتخاب سے آج پاکستانی عوام کو بہت خوشی ہوئی ہے۔ اسپیکر نے کہا کہ شی جن پنگ کو آئندہ پانچ سال کے لئے صدر منتخب ہونے پر بلوچستان کے عوام کیجانب سے مبارکباد پیش کرتا ہوں۔