مولانا فضل الرحمان ہاتھ ملتے رہ جائیں گے : شیخ رشید احمد

راولپنڈی: وزیر داخلہ شیخ رشید احمد نے تقریب سے خطاب میں کہا کہ مسلم لیگ ن اور پیپلز پارٹی اپنے مسئلے حل کر لیں گے لیکن مولانا فضل الرحمان بند گلی میں جا رہے ہیں مولانا سے ہاتھ ہو جائے گا اور وہ ہاتھ ملتے رہ جائیں گے۔

انہوں نے کہا کہ مولانا فضل الرحمان اسرائیل کے خلاف اور مقبوضہ کشمیر کی آزادی کے لیے آئیں تو ایک ساتھ جلسہ کریں گے۔ میں مولانا فضل الرحمان کا احترام کرتا ہوں اور ہم مدرسوں کو دین کے مینار سمجھتے ہیں۔

شیخ رشید نے کہا کہ حزب اختلاف قانون کے مطابق لانگ مارچ کریں ہم ان کا استقبال کریں گے لیکن اپنے بندے ضرور ساتھ لائیں۔

وزیر داخلہ شیخ رشید احمد نے کہا ہے کہ مولانا فضل الرحمان بند گلی میں جا رہے ہیں وہ ہاتھ ملتے رہ جائیں گے۔انہوں نے کہا کہ بلاول بھٹو زرداری ایک نہیں 100 مرتبہ تحریک عدم اعتماد لائیں لیکن حشر وہی ہو گا جو سینیٹ اور صدر کے انتخابات میں ہوا۔