اپوزیشن کے استعفوں کا کوئی خوف نہیں ہے ، عمران خان

اسلام آباد: وزیراعظم عمران خان نے کہا ہے کہ اپوزیشن کے استعفوں کا کوئی خوف نہیں ہے۔ انہوں نے کہا کہ اپوزیشن نے استعفے دیے تو ضمنی الیکشن کرادیں گے۔

استعفے دیں ہم نئے الیکشن کرائیں گے، شیخ رشید کا چیلنج
انہوں نے کہا کہ اپوزیشن کے استعفوں کا کوئی خوف نہیں ہے۔ ان کا کہنا تھا کہ ہمارے کچھ وزیراون گول کردیتے ہیں۔

وزیراعظم عمران خان نے دعویٰ کیا کہ اپوزیشن کا ایجنڈا ہے کہ حکومت اور فوج کو لڑوا دیا جائے۔ ان کا کہنا تھا کہ نواز شریف کی تقریر کو نشر کرنے کی اجازت دینا درست فیصلہ تھا۔ انہوں نے کہا کہ تقریر بھارت کے بیان کا عکس تھی۔

وزیراعظم عمران خان نے کہا کہ پیپلز پارٹی اور ن لیگ دونوں اسٹیبلشمنٹ کی پیداوار ہیں۔ انہوں نے کہا کہ نواز شریف کھیل سے باہر ہو چکا ہے۔ انہوں نے دعویٰ کیا کہ حکومت اور فوج کی موجودہ ہم آہنگی تاریخ میں پہلی مرتبہ ہے۔