حب : ڈپو میں خوفناک آتشزدگی سے ایک شخص جھلس کر جاں بحق تین دکانوں سمیت دو گاڑیاں جل گئیں

لسبیلہ(ڈیلی گرین گوادر) حب میں غیرقانونی تیل کے ڈپو میں خوفناک آتشزدگی ایک شخص جھلس کر جاں بحق جبکہ تین دکانوں سمیت دو گاڑیاں جل گئیں۔اس سلسلے میں صدر پولیس کے مطابق جمعہ کے روز حب کے علاقے بھوانی کے مقام پر قومی شاہراہ پر قائم غیرقانونی ایرانی تیل کے ڈپو میں اس وقت آگ بھڑک اٹھی جب ڈپو پر ٹرک سے پیٹرول اتارا جارہا تھا آگ نے دیکھتے ہی دیکھتے تین دکانوں سمیت مذکورہ ٹرک اور پاس کھڑی پک اپ کو اپنے مکمل لپیٹ میں لے لیا فائربرگیڈ کا عملہ تاخیر سے پہنچنے پر آگ کی شدت میں اضافہ ہوگیا مسلسل تین چار گھنٹے کی جدوجہد کے بعد آگ پر قابو پالیا گیا تاہم پولیس کے مطابق آگ لگنے سے ڈپو میں کام کرنے والا ایک شخص اندر پھنس جانے سے جھلس کر جاں بحق ہوگیا رات گئے تک کولنگ کا سسٹم جاری رہا واضع رہے کہ حب میں ایسے غیرقانونی ایرانی تیل کی ڈپو کی بھرمار گذشتہ ماہ قابوس ہوٹل کے قریب ایک ایسے ہی ڈپو میں آتشزدگی کا واقعہ رونما ہوا تھا۔