جنرل باجوہ کو ایکسٹینشن دے کر بہت بڑی غلطی کی، عمران خان

عمران خان کا کہنا ہے کہ جنرل باجوہ کے ساتھ گزرے ساڑھے تین سال میں احساس ہوا اعتماد کرنا کتنی بڑی کمزوری ہے ۔ جنرل باجوہ کو ایکسٹینشن دے کر بہت بڑی غلطی کی، کبھی کسی کو ایکسٹینشن نہیں ملنی چاہیے۔چیئرمین پی ٹی آئی عمران خان کا کہنا ہے کہ سب پر اعتبار کرلیتا ہوں۔ پہلی مرتبہ جنرل باجوہ کے ساتھ گزرے ساڑھے تین سال میں احساس ہوا اعتماد کرنا کتنی بڑی کمزوری ہے وہ جو کہتے تھے میں مان لیتا تھا۔ سوچتا تھا اسٹیبلشمنٹ اور میرا مفاد ایک ہی ہے کہ ملک کو بچانا ہے۔ا ن کا کہنا ہے کہ مجھے یہ پتا ہی نہیں تھا مجھے سے کیسے جھوٹ بولے گئے، دھوکے دیئے گئے ۔ آئی بی سے رپورٹ آ رہی تھی کہ گیم چل رہی ہے ۔ پتا چل گیا تھا کہ ان کی نوازشریف سے بات ہوگئی ہے ، جب جنرل فیض کو ہٹایا تو پتا چل گیا تھا ۔