بغداد میں دھماکے سے فٹبال کے کھلاڑیوں سمیت10 افراد ہلاک

بغداد : عراق کے دارالحکومت بغداد میں دھماکہ سے دس افراد جاں بحق جبکہ بیس سے زائد زخمی ہوگئے۔ عراقی میڈیا کے مطابق دھماکہ فٹ بال اسٹیڈیم سے منسلک گیراج میں ہوا۔ جاں بحق ہونے والوں میں زیادہ تعداد فٹ بال کے کھلاڑیوں کی ہے۔ دھماکے کے وقت فٹبال میچ جاری تھا۔ابتدائی رپورٹس کے مطابق بم ایک گاڑی میں نصب تھا۔ دھماکہ ریموٹ کنٹرول ڈیوائس کے ذریعے کیا گیا۔دھماکے نے قریب کھڑے گیس ٹینکر کو بھی اپنی لپیٹ میں لے لیا۔ جس کے نتیجے میں ایک اور دھماکا ہوا ۔ واقعے کی مزید تحقیقات جاری ہیں۔