بلوچستان میں گزشتہ 24 گھنٹوں کے دوران بارش وسیلاب سے 4 افرادجاں بحق 3 زخمی

کوئٹہ(ڈیلی گرین گوادر) بلو چستان میں گزشتہ 24 گھنٹوں کے دوران بارش و سیلاب سے 4 افرادجاں بحق 3 زخمی ہو گئے۔محکمہ پی ڈی ایم اے کی جا ری کر دہ رپورٹ کے مطابق گزشتہ 24 گھنٹوں کے دوران بلو چستان میں بارش و سیلاب سے 4 افرادجاں بحق ہو گئے جس کے بعد اب تک ہو نے والی اموات کی تعداد 234ہو گئی ہے،جاں بحق ہونے والوں میں 110 مرد 55 خواتین اور 69 بچے شامل ہیں۔ رپورٹ کے مطابق اموات بولان، کوئٹہ،ژوب، دکی، خضدار،کوہلو، کیچ، مستونگ، ہرنائی، قلعہ سیف اللہ اور سبی میں ہوئی ہے۔رپورٹ کے مطابق صوبائی میں گزشتہ 24گھنٹوں کے دوران سیلاب اور بارش کے نتیجے میں 3 افراد زخمی ہو ئے ہیں جس کے بعد زخمی ہو نے والوں کی تعداد 102ہو گئی ہے، زخمیوں میں 55 مرد 11 خواتین اور 35 بچے شامل ہیں۔رپورٹ کے مطابق صوبے میں مجموعی طور پر 27 ہزار 747 مکانات منہدم اور جزوی نقصان کا شکار ہوئے ہیں۔ رپورٹ کے مطابق بارشوں میں 710 کلو میٹر پر مشتمل مختلف شاہرائیں بھی شدید متاثر ہوئی ہیں اورمختلف مقامات پر 18 پل ٹوٹ چکے ہیں۔ رپورٹ کے مطابق بارشوں سے 1 لاکھ 7 ہزار 377 مال مویشی مارے گئے ہیں۔ رپورٹ کے مطابق سیلاب اور بارشوں کے نتیجے میں مجموعی طور پر 1 لاکھ 98 ہزار 461 ایکڑ زمین پر کھڑی فصلیں، سولر پلیٹس، ٹیوب ویلز اور بورنگ کو نقصانات پہنچا ہے۔