کونسل آف پاکستان نیوزپیپرایڈیٹرزکے سالانہ انتخابات ، کاظم خان صدر جبکہ ایازخان سینئر نائب صدر منتخب
کراچی ((ڈیلی گرین گوادر)) کونسل آف پاکستان نیوزپیپر ایڈیٹرز (سی پی این ای) کے سالانہ انتخابات 2022-23ء میں روزنامہ ڈیلی ٹائمز لاہور کے گروپ ایڈیٹر کاظم خان صدر جبکہ روزنامہ ایکسپریس لاہور کے گروپ ایڈیٹر ایاز خان سینئر نائب صدر، ماہنامہ کرن گروپ کراچی کے چیف ایڈیٹر عامر محمود کو سیکریٹری جنرل، روزنامہ پاکستان ٹوڈے لاہور کے ایڈیٹر یوسف نظامی ڈپٹی سیکریٹری جنرل، روزنامہ 92 نیوز لاہور کے چیف ایڈیٹر محمد حیدر امین نائب صدر پنجاب، روزنامہ نوائے وقت اسلام آباد کے ایڈیٹر سلمان مسعود نائب صدر اسلام آباد/ راولپنڈی، روزنامہ عوامی آواز کراچی کے چیف ایڈیٹر ڈاکٹر جبار خٹک نائب صدر سندھ، روزنامہ اتحاد پشاور کے چیف ایڈیٹر طاہر فاروق نائب صدر خیبرپختونخوا، روزنامہ بلوچستان ایکسپریس کوئٹہ کے چیف ایڈیٹر عارف بلوچ نائب صدر بلوچستان، روزنامہ جہان پاکستان لاہور کے گروپ ایڈیٹر ضیاء تنولی جوائنٹ سیکریٹری پنجاب، روزنامہ لیڈ پاکستان اسلام آباد کے چیف ایڈیٹر یحییٰ خان سدوزئی جوائنٹ سیکریٹری اسلام آباد/ راولپنڈی، روزنامہ نئی بات کراچی کے ایڈیٹر مقصود یوسفی جوائنٹ سیکریٹری سندھ، رونامہ انتخاب کوئٹہ کے چیف ایڈیٹر انور ساجدی جوائنٹ سیکریٹری بلوچستان، روزنامہ آزادی سوات کے چیف ایڈیٹر ممتاز احمد صادق جوائنٹ سیکریٹری خیبرپختونخوا، روزنامہ پاک کراچی کے ایڈیٹرغلام نبی چانڈیو فنانس سیکریٹری اور روزنامہ صورتحال فیصل آباد کے چیف ایڈیٹر زبیر محمود انفارمیشن سیکریٹری منتخب ہوگئے۔ سی پی این ای کے عہدیداروں کا انتخاب سی پی این ای کی نو منتخب اسٹینڈنگ کمیٹی کے اجلاس میں کیا گیا۔ قبل ازیں اجلاس عام کا انعقاد سی پی این ای سیکریٹریٹ میں منعقد ہوا جس میں ملک بھر کے اخبارات و جرائد کے مدیران نے بھرپور شرکت کی۔ اجلاس عام میں رواں سال کے لئے اسٹینڈنگ کمیٹی کے نئے 44 اراکین روزنامہ ڈیلی ٹائمز لاہور کے گروپ ایڈیٹر کاظم خان، کرن و خواتین ڈائجسٹ گروپ کے چیف ایڈیٹر عامر محمود، روزنامہ ایکسپریس لاہور کے گروپ ایڈیٹر ایاز خان، روزنامہ پاکستان ٹوڈے لاہور کے ایڈیٹر یوسف نظامی، روزنامہ 92 نیوز لاہور کے چیف ایڈیٹر محمد حیدر امین، روزنامہ نوائے وقت اسلام آباد کے ایڈیٹر سلمان مسعود، روزنامہ عوامی آواز کراچی کے چیف ایڈیٹر ڈاکٹر جبار خٹک، روزنامہ اتحا دپشاور کے چیف ایڈیٹر طاہر فاروق، روزنامہ بلوچستان ایکسپریس کوئٹہ کے چیف ایڈیٹر عارف بلوچ، روزنامہ جہان پاکستان لاہور کے گروپ ایڈیٹر ضیاء تنولی، روزنامہ لیڈ پاکستان اسلام آباد کے چیف ایڈیٹر یحییٰ خان سدوزئی، روزنامہ نئی بات کراچی کے ایڈیٹر مقصود یوسفی، رونامہ انتخاب کوئٹہ کے چیف ایڈیٹر انور ساجدی، روزنامہ آزادی سوات کے چیف ایڈیٹر ممتاز احمد صادق، روزنامہ پاک کراچی کے ایڈیٹرغلام نبی چانڈیو، روزنامہ صورتحال فیصل آباد کے چیف ایڈیٹر زبیر محمود، روزنامہ اپیل کے چیف ایڈیٹر شیر محمد کھاوڑ، روزنامہ امن کراچی کے ایڈیٹر حامد حسین عابدی، روزنامہ انڈس پوسٹ کراچی کے چیف ایڈیٹر عبدالرحمان منگریو، روزنامہ جرا?ت کراچی کے چیف ایڈیٹر محمد طاہر، روزنامہ جہاں نما لاہور کے چیف ایڈیٹر وقاص طارق فاروق، روزنامہ تجارت لاہور کے چیف ایڈیٹر جمیل اطہر قاضی، روزنامہ ہاٹ لائن لاہور کے چیف ایڈیٹر ذوالفقار احمد راحت، روزنامہ طاقت لاہور کے چیف ایڈیٹر محمد اویس رازی، صباح نیوز ایجنسی اسلام آباد کے چیف ایڈیٹر شکیل احمد ترابی، روزنامہ نوائے وقت اسلام آباد کے ایڈیٹر سلمان مسعود، روزنامہ میدان پشاور کے ایڈیٹر سجاد حیدر، روزنامہ مہران حیدرآباد کے چیف ایڈیٹر فقیر منٹھار منگریو، روزنامہ نجات سکھر کے ایڈیٹر بشیر احمد میمن، روزنامہ غریب کے چیف ایڈیٹر تنویر شوکت، روزنامہ وفا بھاولپور کے چیف ایڈیٹر اکمل چوہان، روزنامہ ملتان نامہ ملتان کے چیف ایڈیٹر بشیر احمد خان، آن لائن نیوز ایجنسی کراچی کے ایڈیٹر عبدالخالق علی، روزنامہ اسلام اسلام آباد کے چیف ایڈیٹر خلیل الرحمان، روزنامہ لیڈر لاہور کے چیف ایڈیٹر علی احمد ڈھلوں، روزنامہ اذکار اسلام آباد کے ایڈیٹر تزعین اختر، ڈیلی ٹائمز پشاور کے چیف ایڈیٹر فضل حق، روزنامہ امت کراچی کے چیف ایڈیٹر علی حمزہ افغان، ماہنامہ دوشیزہ کراچی کی چیف ایڈیٹر منزہ سہام، روزنامہ عبرت حیدرآباد کے چیف ایڈیٹر قاضی اسد عابد، ماہنامہ فروزاں کراچی کے چیف ایڈیٹر محمود عالم خالد، ماہنامہ ہاسپی ٹیلٹی پلس لاہور کے چیف ایڈیٹر احمد شفیق، ماہنامہ ڈیفنس جرنل کراچی کے چیف ایڈیٹر اکرام سہگل، ماہنامہ نیا رخ اسلام آباد کے چیف ایڈیٹر سردار خان نیازی اور روزنامہ سندھ افیئرز کی ایڈیٹر بلقیس جہاں بلا مقابلہ منتخب ہوئے۔ سی پی این ای کے سالانہ اجلاس عام میں میڈیا ورکرز کے خلاف ہر قسم کی جارحیت کا مقابلہ کرنے کی قرارداد منظور کی گئی۔ سی پی این ای کے نو منتخب صدر کاظم خان نے کہا کہ کیمرہ اور قلم کی حرمت کی پاسداری کی جائے گی۔ سیاسی جماعتیں میڈیا ورکرز کے حقوق کا احترام کریں گے۔ نو منتخب سیکریٹری جنرل عامر محمود نے لانگ مارچ کے دوران خواتین صحافی سمیت صحافتی اداروں کو نقصان پہنچانے والوں کے خلاف کاروائی کا مطالبہ کیا۔ اجلاس عام میں یہ عزم بھی دہرایا گیا کہ آزادی صحافت اور آزادی اظہار کے خلاف کوئی قدغن برداشت نہیں کی جائے گی۔ اجلاس عام سے قبل کونسل کے غیر معمولی اجلاس عام میں سی پی این ای کے آئین میں مجوزہ ترامیم بھی متفقہ طور پر منظور کی گئیں۔
