کوئٹہ،کنویں سے ایک شخص کی لاش برآمد
کوئٹہ(ڈیلی گرین گوادر) کوئٹہ کے علاقے میں کنویں سے ایک شخص کی لاش برآمد جبکہ ایک بچے کو زندہ بچا لیا گیا، پی ڈی ایم اے حکام کے مطابق جمعہ کو کوئٹہ کے علاقے بھوسہ منڈی میں لنک بادینی روڈ پر ایک بچہ کنویں میں گر گیا جس پر پی ڈی ایم اے کی ریسکیوٹیم نے موقع پر پہنچ کر بچے کو زندہ بچا لیا جبکہ کنویں سے ایک نامعلوم شخص کی چھ روز پرانی لاش برآمد کرلی گئی پی ڈی ایم اے ٹیم نے کنویں کو بند کر کے لاش شناخت کے لئے منتقل کردی جبکہ عوام کے جان ومال کے تحفظ کو یقینی بنانے کے لئے مذکورہ کنویں کو مستقل طور پر آج بند کردیا جائیگا۔
