پشین کے53یونین کونسلز کےغیرسرکاری تنظیموں کےانتخابات مکمل ہوگئے
کوئٹہ (ڈیلی گرین گوادر) پشین کے 53یونین کونسلز کے غیرسرکاری تنظیموں کے انتخابات مکمل ہوگئے عبدالحئی صدر جبکہ عبدالباقی بلامقابلہ جنرل سیکرٹری منتخب ہوگئے۔گزشتہ روزپشین ریسٹ ہاؤس بی آر ایس پی کے دفتر میں ضلع پشین کے 53یونین کونسلوں کے غیر سرکاری تنظیموں کے درمیان انتخابات ہوا جس میں 50یونین کونسل رجسٹرڈ ہیں انتخابات کے پہلے مرحلے میں عبدالحئی کانام صدر کیلئے آیا جو ارکان کی اکثریت رائے سے صدر منتخب ہوئے جبکہ دوسرے مرحلے میں جنرل سیکرٹری کیلئے جمال الدین ملکیار کانام تجویز کیاگیا جمال الدین ملکیار اکثریت رائے سے جنرل سیکرٹری منتخب ہوئے تاہم انہوں نے اپنے عہدے سے استعفیٰ دیا اور عبدالباقی کانام تجویز کیا جس کے بعد ارکان نے اکثریت رائے سے عبدالباقی کوجنرل سیکرٹری منتخب کیا۔ اس موقع پر نومنتخب عہدیداروں نے اس عزم کااظہار کیاکہ وہ اپنی تمام تر صلاحیتوں کو بروئے کار لائینگے۔
