اوتھل، چور گن پوائنٹ پر شہری سے موٹرسائیکل چھین کر فرار
اوتھل (گرین گوادرنیوز) اوتھل میں چوری کی وارداتوں میں اضافہ،نامعلوم چور گن پوائنٹ پر شہری سے موٹرسائیکل چھین کر فرار،جبکہ جمالی محلہ میں گھرکے باہر کھڑی موٹرسائیکل چوری کرلی گئی،ملزمان فرار،عوامی حلقوں کا اوتھل میں چوری کی بڑھتی ہوئی وارداتوں پر تشویش کا اظہارتفصیلات کے مطابق بدھ اور جمعرات کی درمیانی شب مدرسہ روح السلام کے قریب تین نقاب پوش افراد نے گن پوائنٹ پر شہری سے موٹر سائیکل چھین لی اور موقع سے فرار ہوگئے جبکہ جمالی محلہ میں غلام قادر برہ نامی ایک شخص اپنی موٹرسائیکل کھڑی کرکے گھر میں داخل ہوا تو پیچھے سے نامعلوم چور اسکی موٹر سائیکل لے کرفرارہوگئے واضح رہے کہ اوتھل میں گزشتہ دوماہ میں چوری کی بے شمار وارداتیں ہوچکی ہیں لیکن پولیس چوروں کو گرفتارکرنے میں مکمل طورپر ناکام ہے جبکہ ایس ایس پی لسبیلہ آئے روز لسبیلہ میں مکمل امن وامان کا راگ الاپتے رہتے ہیں لیکن انہی کے دفتر ضلعی ہیڈکوارٹر اوتھل میں چوری کی پے درپے وارداتیں ہورہی ہیں لیکن موصوف سفارشی پولیس افسران کے خلاف کاروائی سے گریزاں ہیں۔
