اوتھل،دو مختلف واقعات میں2 نوجواں جاں بحق

اوتھل: اوتھل میں دو مختلف واقعات میں دو نوجواں جاں بحق، لسبیلہ کی خونی شاہراہ ایک اور زندگی نگل گئی۔ جبکہ گڈانی میں نوجوان پہاڑ سے سمندر میں گر کر جاں بحق، تفصیلات کے مطابق مین قومی شاہراہ جسے خونی شاہراہ بھی کہا جاتا ہے۔گزشتہ روز بیلہ کراس کے قریب پاکستان ہوٹل کے سامنے پک اپ اور ٹرالر کی ٹکر سے ایک نوجوان فضل دین ولد ماسٹر عبدلکریم سکنہ گوٹھ اسماعیلانی بیلہ شدید زخمی ہوگئے تھے۔جسے سول ہسپتال کراچی ریفر کردیا گیا تھا۔لیکن وہ جانبر نہ ہوسکے اور زخموں کی تاب نہ لاتے ہوئے چل بسے۔جب کہ ایک دوسرے واقعے میں لسبیلہ کے ساحلی علاقے گڈانی میں پہاڑ پر سیلفی بناتے ہوئے ایک 18 سالہ نوجوان سمندر میں گر کر جاں بحق ہوگئے۔ گڈانی پولیس کے مطابق نعش کی تلاش جاری ہے۔