مولانا ہدایت الرحمان بلوچ کا سیکرٹری داخلہ بلوچستان سے ملاقات، جبری گمشدگی،چیک پوسٹ،فورتھ شیڈول سمیت مختلف امور پر تبادلہ خیال

کوئٹہ(ڈیلی گرین گوادر)امیرجماعت اسلامی بلوچستان قائدحق دوتحریک، ایم پی ایمولانا ہدایت الرحمان بلوچ نے آج سیکریٹری داخلہ بلوچستان شہاب علی شاہ سے ان کے آفس میں ملاقات کی۔ملاقات میں مولاناہدایت الرحمان بلوچ نے بلوچستان خصوصا ضلع گوادر میں جبری گمشدگیوں میں حالیہ اضافے سے متعلق تشویش کا اظہار کرتے ہوئے ان کے فوری روک تھام اور لاپتہ نوجوانوں کے بازیابی سے متعلق بات کی۔ پسنی میں پچھلے دنوں اٹھائے گئے کئی نوجوانوں کی فوری بازیابی کے لئے سنجیدہ اقدامات کا بھی مطالبہ کیا گیااس کے علاوہ مکران بھر میں غیر ضروری چیک ہوسٹوں کے خاتمے سمیت فورتھ شیڈول میں شامل سیاسی و سماجی شخصیات کے ناموں کے اخراج کا بھی مطالبہ کیا گیا جس پر سیکریٹری داخلہ نے کمشنر مکران کو فون کرکے فورتھ شیڈول میں ناموں کے اخراج سے متعلق ہدایت جاری کیں مولاناہدایت الرحمان بلوچ نے کہا کہ بلوچستان بھر میں امن کے قیام کے لئے جبری گمشدگی کے سلسلے کو روکنا بہت ضروری ہے ورنہ نفرت کے سوا کچھ حاصل نہیں ہوگا۔ اگر کسی نے کوئی جرم کیا ہے تو اسے عدالت میں پیش کیا جائے نہ کہ خود عدالت و خود جج بن کر کسی کے گناہ گار یا بے گناہ ہونے کا فیصلہ کرکے سزا دی جائے۔سیکریٹری داخلہ بلوچستان نے اس متعلق سنجیدہ اقدامات کی یقین دہانی کرائی۔