کوئٹہ،ٹیسٹ پاس اساتذہ کا احتجاجی ریلی، رزلٹ میں تاخیر کے خلاف اسمبلی کے سامنے مظاہرہ

کوئٹہ(ڈیلی گرین گوادر)بلوچستان کے ٹیسٹ پاس اساتذہ نے رزلٹ میں تاخیر کے خلاف احتجاجی ریلی نکالی اور صوبائی اسمبلی کے سامنے مظاہرہ کیا۔ اساتذہ نے حکومت سے مطالبہ کیا کہ ان کے نتائج جلد جاری کیے جائیں تاکہ وہ اپنے حقوق کا دفاع کر سکیں اور تدریسی عمل میں شامل ہو سکیں۔ریلی میں شریک اساتذہ کا کہنا تھا کہ ٹیسٹ کے نتائج میں غیر ضروری تاخیر نے ان کی زندگیوں کو متاثر کیا ہے۔ مظاہرین نے حکومت سے مطالبہ کیا کہ فوری طور پر نتائج جاری کیے جائیں اور اساتذہ کو فوری طور پر تقرریوں کے عمل میں شامل کیا جائے تاکہ تعلیمی نظام میں بہتری لائی جا سکے۔ احتجاجی اساتذہ نے صوبائی حکومت سے درخواست کی کہ ان کی آواز سنی جائے اور رزلٹ کی تاخیر کا مسئلہ حل کیا جائے۔