اسرائیلی وزیراعظم کا کلیجہ ٹھنڈا نہ ہوا۔ بن یامین نیتن یاہو کی غزہ پر حملے جاری رکھنے کی دھمکی

اسرائیلی وزیراعظم بن یامین نیتن یاہو نے غزہ پر حملے جاری رکھنے کی دھمکی دیتے ہوئے کہا کہ بمباری اس وقت تک جاری رہے گی جب تک ضرورت ہو گی۔

اسرائیلی فضائیہ نے رات گئے حماس رہنما کے گھر پر حملہ کر کے ایک اور عمارت کو زمین بوس کر دیا، میزائل حملے سے میڈیا ہاؤس بھی تباہ ہو گیا۔
ایک ہفتے کے دوران شہید ہونے والوں میں 41 بچے اور 23 خواتین بھی شامل ہیں جبکہ 750 گھر، 76 رہائشی اور 63 سرکاری عمارتیں تباہ کی گئیں۔

فلسطینیوں پر مظالم کے خلاف برطانیہ، یورپ اور امریکا میں مظاہرے کیے گئے جن میں غزہ پر جاری بمباری اور نہتے شہریوں کی شہادت پر احتجاج کیا گیا۔