امن و امان کی صورتحال،حکومت بلوچستان نے صوبے بھر میں دفعہ 144 نافذ کردی

کوئٹہ(ڈیلی گرین گوادر)حکومت بلوچستان نے صوبے میں دفعہ 144 نافذ کردی۔ بلوچستان میں دھرنے، ریلی اور جلسوں پر پابندی عائد کردی گئی۔محکمہ داخلہ بلوچستان کے مطابق چار سے زائد افراد کے اجتماع اور اسلحے کی نمائش پر بھی پابندی ہے۔

پابندی کا اطلاق 15 روز کے لیے ہوگا۔ دفعہ 144 امن وامان کی صورتحال کے پیش نظر لگائی گئی ہے۔اس سے پہلے حکومتِ پنجاب صوبے بھر میں 3 دن کے لیے دفعہ 144 نافذ کرچکی ہے، اس حوالے سے نوٹیفکیشن بھی جاری کر دیا گیا ہے۔نوٹیفکیشن کے مطابق صوبے بھر میں ہر قسم کے احتجاج، جلسے، جلوس، ریلیوں اوردھرنوں پر پابندی عائد کر دی گئی ہے۔