استور،باراتیوں کی کوسٹر دریا میں جاگری، 6 افراد جاں بحق، 22 لاپتہ

استور(ڈیلی گرین گوادر)باراتیوں کی کوسٹر دریا میں گرنے سے 6 افراد جاں بحق جبکہ 22 لاپتا ہیں۔ریسکیو ذرائع کے مطابق گلگت بلتستان کے ضلع استور سے راولپنڈی جانے والی باراتیوں سے بھری کوسٹر بے قابو ہوکر دریا میں جاگری، حادثے میں 6 افراد جاں بحق ہوگئے جبکہ مزید 22 لاپتا مسافروں کی تلاش جاری ہے۔

حادثے کی اطلاع ملتے ہی پولیس اور انتظامیہ متحرک ہو گئی ہے اور حادثے کا شکار مسافروں کی جانیں بچانے کی کوششیں ہو رہی ہیں، ریسکیو حکام کا کہنا ہے کہ جائے حادثہ کی طرف امدادی ٹیمیں اور ایمبولینسز روانہ کر دی گئی ہیںریسکیو افسر کے مطابق اب تک جائے حادثہ سے 6 لاشیں ملی ہیں جب کہ ایک لڑکی زخمی ہے، مزید لاپتا 22 افراد کی تلاش جاری ہے۔