دہشتگرد واک تھرو کے راستے نہیں ،اسٹیشن کے داخلی راستوں سے اندر آیا ہے،حمزہ شفقات

کوئٹہ(ڈیلی گرین گوادر)کمشنر کوئٹہ حمزہ شفقات نے میڈیا سے گفتگو کرتے ہوئے کہا کہ کوئٹہ دھماکے میں سیکورٹی فورسز کو نشانہ بنایا گیا دہشتگرد واک تھرو کے راستے نہیں ،اسٹیشن کے داخلی راستوں سے اندر آیا ہے دھماکے میں سیکورٹی فورسز کو نشانہ بنایا گیاپولیس اور دیگر حکام نے رائٹرز کو بتایا کہ ہفتہ کو کوئٹہ ریلوے سٹیشن پر بم دھماکے میں کم از کم 24 افراد ہلاک اور 40 سے زائد زخمی ہو گئے۔بلوچستان کے انسپکٹر جنرل آف پولیس معظم جاہ انصاری نے بتایا کہ ہدف انفنٹری اسکول کے فوجی اہلکار تھے، دھماکے میں اب تک 24 افراد ہلاک ہو چکے ہیں۔انہوں نے کہا کہ زخمیوں میں سے کئی کی حالت نازک ہے۔ ہسپتال کے ترجمان ڈاکٹر وسیم بیگ نے رائٹرز کو بتایا، "اب تک 44 زخمیوں کو سول ہسپتال لایا جا چکا ہے۔دوسری جانب کوئٹہ میں میڈیا سے گفتگو کرتے ہوئے کمشنر کوئٹہ اور ڈپٹی کمشنر نے تصدیق کرتے ہوئے بتایا کہ نشانہ پاکستانی فورسز کے اہلکار تھے۔ انہوں نے کہا کہ دھماکہ خودکش تھا جسکی ذمہ داری کالعدم تنظیم نے قبول کرلی ہے۔ انہوں نے کہا کہ خود کش کو روکنا انتہائی مشکل ہے۔