دبئی کہلانے والا شہر آج پانی میں ڈوبا ہوا ہے ہم پوچیں گے تر قی کے دعوے کہاں گئے، مولاناہدایت الرحمن بلوچ

کوئٹہ(ڈیلی گرین گوادر)جماعت اسلامی کے رہنما و نومنتخب رکن بلوچستان اسمبلی مولاناہدایت الرحمن بلوچ نے کہا ہے کہ گوادر کے عوام نے منتخب کر کے میرے کندھوں پر بھا ری ذمہ ڈال دی ہے اپنی تما م کوششوں کو بروئے کار لاکر عوام کی خدمت کرونگا،مستقبل کا دبئی کہلانے والا شہر گوادر آج پانی میں ڈوبا ہوا ہے ہم پوچیں گے تر قی کے دعوے کہاں گئے؟۔ یہ بات انہوں نے بدھ کو بلوچستان اسمبلی کے پہلے اجلاس میں شرکت سے قبل صحافیوں سے بات چیت کرتے ہوئے کہی۔مولاناہدایت الرحمن بلوچ نے کہا کہ اسمبلی اجلاس میں شرکت کر نے کے لئے دوست کی گاڑی میں آیا ہوں کیو نکہ میرے پاس اپنی ذاتی گاڑی نہیں اور ایک غریب ماہیگیر کا بیٹا ہوں گوادر کے لوگوں نے عزت بخش ہے عوام کی امیدیں پوری کر نے کی کوشش کر وں گا۔ انہوں نے کہاکہ چند لوگوں نے اپنے عہدوں کو بزنس اور مراعات کے طور پر استعمال کیا انہیں اللہ پاک کو جواب دینا ہوگا۔ انہوں نے کہاکہ مستقبل کا دبئی کہلانے والا شہر آج پانی میں ڈوبا ہوا ہے ہم پوچیں گے تر قی کے دعوے کہاں گئے؟، حلف لینے کے بعد بھی دوست کی گاڑی استعمال کروں گا۔