وزیرخزانہ کون ہوگا اس کا فیصلہ پارٹی قیادت کرے گی،اسحاق ڈار

لاہور(ڈیلی گرین گوادر)پاکستان مسلم لیگ ن کے سینیئررہنما اسحاق ڈار کا کہنا ہے کہ پی ٹی آئی نے آئی ایم ایف کوخط لکھ کرملک دشمنی کی، انشاء اللّٰہ بانی پی ٹی آئی کے خط کی کوئی حیثیت نہیں ہوگی۔پنجاب اسمبلی کے باہرمیڈیا سے گفتگو کرتے ہوئے اسحاق ڈارکا کہنا تھا کہ ذاتی فائدے کیلئے کچھ بھی لکھنا افسوسناک اور قابل مذمت ہے، عمران خان نے ملکی مفاد کے خلاف کچھ لکھا ہوتو قابلِ مذمت ہے۔

اسحاق ڈار نے کہا کہ آپ دیکھیں گے آئندہ چند دنوں میں سب ٹھیک ہو جائے گا۔وزیرخزانہ کون ہوگا اس کا فیصلہ پارٹی لیڈرشپ فیصلہ کرےگی۔اسحاق ڈار نے پنجاب اسمبلی کے اجلاس میں تاخیر اور پھر وقفے سے متعلق کہا کہ اسپیکرتلاوت کےبعدفوری ارکان اسمبلی سےحلف لیں۔ایک سوال کے جواب میں انہوں کہا کہ میاں صاحب کہیں غائب نہیں ہوئے، وہ موجود ہیں اور پارٹی کو لیڈ کررہےہیں۔