سرپرائز اسنیپ چیکنگ جاری رہے گی عوام اپنی سواریوں کے کاغذات ساتھ رکھیں، ڈی ایس پی سی آئی اے حب

حب(ڈیلی گرین گوادر)ایس ایس پی حب منظور بلیدی کے احکامات کی روشنی میں جبکہ سی آئی اے حب کی جانب سے سرپرائز اسنیپ چیکنگ کے سلسلے میں ڈی ایس پی سی آئی اے محمد عارف کی زیر نگرانی انسپکٹر محمد حکیم رونجھو اپنی ٹیم نے مختلف علاقوں میں سرپرائز اسنیپ چیکنگ شروع کر دی۔ اسنیپ چیکنگ کے دوران متعدد موٹرسائیکل سواروں کی تلاشی لی گئی جبکہ گاڑیوں اور موٹرسائیکلوں کے کاغذات چیک کئے گئے انچارج سی آئی اے حب نے بتایا کہ شہر میں امن و امان کو برقرار رکھنے کے لئے اس طرح کے سرپرائز اسنیپ چیکنگ جاری رہیں گے۔ عوام الناس سے درخواست ہے کہ اپنی سواریوں کے کاغذات اپنے ہمراہ رکھیں تاکہ کسی قانونی پریشانی کا سامنا نہ کرنا پڑے۔ حب سرکل پولیس کی اولین ترجیحات میں امن و امان کو برقرار رکھنا شامل ہے۔