صوابی میں گاڑی نہر میں گرنے سے 3 افراد جاں بحق

صوابی(ڈیلی گرین گوادر)صوابی کے علاقے ٹاٹ کورونہ کے قریب گاڑی نہر میں گرنے سے 3 افراد جاں بحق ہوگئے۔افسوسناک واقعہ صوابی کے علاقے منصوری چوکی کے قریب پیش آیا جہاں گاڑی نہر میں جاگری، حادثے میں گاڑی میں سوار 2 خواتین اور بچے سمیت 3 افراد جاں بحق اور ایک زخمی ہوگیا۔

ذرائع کے مطابق گاڑی میں 5 افراد سوار تھے جو باچائی گاؤں میں فاتحہ خوانی سے واپس جا رہے تھے، لاشوں اور زخمیوں کو نہر سے نکال لیا گیا جبکہ حادثے میں گاڑی ڈرائیور محفوظ رہا۔