آئندہ جنرل الیکشن میں بلوچستان کے 2 ہزار 58 پولنگ اسٹیشنز کو انتہائی حساس قراردیاہے، نگران وزیر داخلہ
کوئٹہ(ڈیلی گرین گوادر)نگران وزیر داخلہ بلوچستان میر زبیر جمالی نے کہا ھے کہ آئندہ جنرل الیکشن میں بلوچستان کے 2 ہزار 58 پولنگ اسٹیشنز کو انتہائی حساس جبکہ 2 ہزار 180 کو حساس قرار دیا گیا ہے ان خیالات کااظہار انہوں نے میڈیا سے بات چیت کرتے ہوئے کیا۔ میرزبیر جمالی نے کہاکہ عام انتخابات کیلئے صوبے بھر میں 5 ہزار 67 پولنگ اسٹیشن قائم کئے جارہے ہیں پولنگ بوتھ کی تعداد تقریبا 14 ہزار 303 ہوگی مجموعی طور پر حساس اور انتہائی حساس 4 ہزار 238 پولنگ اسٹیشنز پر سیکورٹی کیلئے موثر پلان ترتیب دیا گیا ہے۔انتہائی حساس پولنگ اسٹیشن پر ایک کمانڈر اور 8 اہلکار حساس پر ایک کمانڈر اور 6 اہلکار تعینات ہو گئے نارمل پولنگ اسٹیشنوں پر ایک کمانڈر اور 4 اہلکار سیکورٹی فرائض سرانجام دیں گے۔ کسی بھی ممکنہ صورتحال کیلئے کوئیک ریسپانس ٹیمز اسٹینڈ بائی ہونگی انہتائی حساس اسٹیشنوں پر سی سی ٹی وی کیمرے بھی لگائے جائیں گے۔