کاش کوئی بتائے کہ میرے بھائی کی قبر کہاں ہے؟ ہزاروں خاندان اپنے پیاروں کے متلاشی ہیں، سرداراخترمینگل

کوئٹہ(ڈیلی گرین گوادر)بلوچستان نیشنل پارٹی کے سربراہ سرداراخترجان مینگل نے کہاہے کہ کاش کوئی بتائے کہ میرے بھائی کی قبر کہاں ہے؟ مجھ جیسے ہزاروں خاندان اپنے پیاروں کے متلاشی ہیں۔ان خیالات کااظہار انہوں نے سماجی رابطے کی ویب سائٹ ٹویٹر (ایکس) پر اپنے پیغام میں کیا۔ سرداراخترجان مینگل نے کہاکہ ایسے ہزاروں خاندان انصاف کے متلاشی ہیں۔ کاش کوئی بتائے کہ میرے بھائی کی قبر کہاں ہے؟ یہ ایک قبائلی سردار کے بیٹے، بلوچستان کے پہلے وزیر اعلی اور ایک منتخب نمائندے کی دردناک کہانی ہے۔ تصور کریں کہ دوسرے کیا گزرتے ہیں؟ ان کے دکھ درد سے کوئی تعلق نہیں رکھ سکتا۔