مستونگ ،کھڈ کوچہ کے مقام پر ٹریفک حادثہ، ایک شخص جاں بحق، 1زخمی

مستونگ: کوئٹہ کراچی قومی شاہراہ پر کھڈ کوچہ کے مقام پر ٹریفک حادثہ ممتاز عالم دین مولانا الہی بخش جاں بحق جبکہ انکا بیٹازخمی تفصیلات کے مطابق کھڈ کوچہ سے آتے ہوئے مزدا ٹرک اور کار کے درمیان ٹریفک کے المناک حادثے میں ممتاز عالم دین خطیب اور معروف نعت خواں مولانا الہی بخش ابابکی جاں بحق جبکہ انکا بیٹا شدید زخمی ہوگیا جنہیں فوری طور پر شہید نواب غوث بخش رئیسانی ہسپتال مستونگ منتقل کر دیا گیا جبکہ انکے بیٹے کو ابتدائی طبی دینے کے بعد کوئٹہ ریفر کر دیا گیا ہے واضع رہے کہ اس اہم ترین شاہراہ پر سینکڑوں حادثات رونماء ہوچکے ہیں قومی شاہراہ کو انتہائی تنگ اور ٹریفک کا شدید دباؤہونے کے باوجود ڈبل نہیں کیا جا رہا ہے۔