190 ملین پاؤنڈ کیس میں عمران خان کے جسمانی ریمانڈ میں توسیع
راولپنڈی(ڈیلی گرین گوادر) احتساب عدالت نے 190 ملین پاؤنڈ کیس میں چیئرمین پی ٹی آئی عمران خان کے جسمانی ریمانڈ میں مزید 4 روز کی توسیع کردی۔جج محمد بشیر نے اڈیالہ جیل میں القادر ٹرسٹ 190 ملین پاؤنڈ کیس کی سماعت کی۔ نیب نے عدالت سے چیئرمین پی ٹی آئی کے دس روزہ جسمانی ریمانڈ کی درخواست کی۔
عدالت نے چیئرمین پی ٹی آئی کا مزید 4 روزہ جسمانی ریمانڈ منظور کرتے ہوئے انہیں دوبارہ 27 نومبر کو پیش کرنے کا حکم دیا۔عدالت نے نیب کو آئندہ تاریخ تک تفتیش ہر صورت مکمل کرنے کا حکم بھی دیتے ہوئے کہا کہ آئندہ سماعت پر تفتیشی رپورٹ بھی عدالت میں پیش کی جائے۔
