کراچی، سعود آباد میں پولیس مقابلہ، 4 ڈاکو ہلاک

کراچی(ڈیلی گرین گوادر) سعودآباد پولیس اور ڈاکوؤں کے درمیان مقابلے کے دوران 4 ڈاکو ہلاک ہو گئے۔1 پولیس اہلکار اور2 شہری زخمی ہوئے،جنہیں طبی امداد کے لیے اسپتال منتقل کر دیا گیا ہے۔ڈاکوؤں سے مقابلے میں زخمی اہلکار کی شناخت حنیف کے نام سے ہوئی ہے۔پولیس کے مطابق ہلاک ملزمان دن کے اوقات میں شہریوں سے لوٹ مار کرتے تھے، ملزمان کے قبضے سے اسلحہ، موبائل فونز ، 2 موٹر سائیکلیں برآمد ہوئی ہیں۔ مقابلے کے دوران ہلاک ڈاکوؤں کی لاشیں بھی اسپتال منتقل کر دی گئی ہیں۔