بلاول بھٹو کا اختر مینگل،ڈاکٹر عبدالمالک، ایمل ولی خان سے ٹیلی فونک رابطہ

اسلام آباد : چیئرمین پاکستان پیپلز پارٹی بلاول بھٹو زرداری نے کہا ہے کہ پی ڈی ایم کے مشترکہ امیدوار یوسف رضا گیلانی کی کامیابی جمہوریت کی فتح ہے، اپوزیشن کے مضبوط اتحاد نے حکومتی صفوں میں دراڑیں ڈال دیں،عمران خان کی نام نہاد تبدیلی کو حکومت کے باضمیر عوامی نمائندوں نے بھی مسترد کردیاہے۔جمعہ کو چیئرمین پیپلز پارٹی بلاول بھٹو زرداری نے بلوچستان نیشنل پارٹی کے سربراہ اختر مینگل،نیشنل پارٹی کے سربراہ ڈاکٹر عبدالمالک اور عوامی نیشنل پارٹی خیبرپختونخوا کے صدر ایمل ولی خان سے ٹیلیفونک گفتگو کی۔بلاول بھٹو زرداری نے اختر مینگل،ڈاکٹر عبدالمالک اور ایمل ولی خان کو سینیٹ میں پی ڈی ایم کے متفقہ امیدوار یوسف رضا گیلانی کی جیت کی مبارک باد دی۔ بلاول بھٹو نے کہا کہ پی ڈی ایم کے مشترکہ امیدوار یوسف رضا گیلانی کی کامیابی جمہوریت کی فتح ہے۔ انہوں نے کہا کہ اپوزیشن کے مضبوط اتحاد نے حکومتی صفوں میں دراڑیں ڈال دیں۔انہوں نے کہا کہ عمران خان کی نام نہاد تبدیلی کو حکومت کے باضمیر عوامی نمائندوں نے بھی مسترد کردیا۔