چمن اسپین بولدک بارڈر ٹریڈ کے لیے کھول دیا گیا پیدل آمدورفت پر پابندی برقرار

چمن(ڈیلی گرین گوادر)پاکستان اور افغانستان کے درمیان اسپین بولدک بارڈر کراسنگ کچھ دیر قبل دوبارہ کھول دی گئی ہے ذرائع کے مطابق سرحد فی الحال صرف تجارتی سرگرمیوں کے لیے کھولی گئی ہے جبکہ عام شہریوں کی پیدل آمدورفت پر پابندی برقرار ہے۔ذرائع کے مطابق چند حساس معاملات کے باعث پیدل آمدورفت کی اجازت تاحال نہیں دی گئی۔ سرحد کے دونوں جانب ٹریڈ کراسنگ اور کلیئرنس سے متعلقہ حکام نے اپنی ذمہ داریاں سنبھال لی ہیں۔ابتدائی طور پر صرف خالی ٹرکوں کو داخلے کی اجازت دی گئی ہے جبکہ افغان ڈرائیورز کے لیے پاسپورٹ اور ویزا لازمی قرار دیا گیا ہے۔ذرائع نے بتایا کہ انہی شرائط پر کل طورخم بارڈر بھی کھولا جائے گا، جس سے متعلق افغان ایمبیسی اسلام آباد کو باضابطہ مراسلہ ارسال کر دیا گیا ہے۔دیگر تین کراسنگ پوائنٹس غلام خان، انگور اڈہ اور خرلاچی فی الحال بند رہنے کا امکان ہے۔