ڈپٹی چیئرمین سینیٹ سیدال خان سے آئی جی بلوچستان کی ملاقات،صوبے کی مجموعی صورتحال پر تبادلہ خیال

کوئٹہ(ڈیلی گرین گوادر) ڈپٹی چیئرمین سینیٹ سیدال خان سے آئی جی بلوچستان نے کوئٹہ میں ملاقات کی۔ ملاقات میں بلوچستان کی مجموعی صورتحال، امن و امان کے حالات، اور صوبے میں عوام کے تحفظ کے لئے کئے جانے والے اقدامات پر تفصیلی تبادلہ خیال کیا گیا۔ ملاقات کے دوران بلوچستان میں سیکیورٹی کی صورتحال اور لا اینڈ آرڈر کی بحالی کے حوالے سے درپیش چیلنجز اور ان کے حل پر بھی غور کیا گیا۔ڈپٹی چیئرمین سینیٹ سیدال خان نے بلوچستان میں امن و امان کی بحالی کے لئے سیکیورٹی فورسز کی انتھک محنت اور قربانیوں کو خراجِ تحسین پیش کیا۔ انہوں نے کہا کہ سیکیورٹی فورسز اور پولیس اہلکاروں نے عوام کے تحفظ اور امن کے قیام کے لئے اپنے جانوں کا نذرانہ پیش کرکے مثالی قربانیاں دی ہیں، جو تاریخ میں سنہری حروف سے لکھی جائیں گی۔ سیدال خان نے کہا کہ بلوچستان میں امن و استحکام کے لئے سیکیورٹی فورسز کی خدمات کو ہمیشہ یاد رکھا جائے گا۔ڈپٹی چیئرمین سینیٹ سیدال خان نے کہا کہ بلوچستان کی لا اینڈ آرڈر کی صورتحال پر مؤثر حکمت عملی کی ضرورت ہے ڈپٹی چیئرمین سینیٹ نے اس بات پر زور دیا کہ عوام کے جان و مال کے تحفظ کو یقینی بنانے کے لئے مؤثر حکمت عملی اور عملی اقدامات کی ضرورت ہے۔ انہوں نے کہا کہ صوبے میں امن و امان کے قیام کے لئے سیکیورٹی اداروں کو مزید مستحکم بنانے اور ان کے درمیان ہم آہنگی کو فروغ دینے کی ضرورت ہے تاکہ عوام کا اعتماد بحال کیا جا سکے۔ڈپٹی چیئرمین سینیٹ نے کہا کہ بلوچستان پاکستان کا سب سے بڑا صوبہ ہے اور اس کی مجموعی صورتحال کو بہتر بنانا وقت کی اہم ضرورت ہے۔ انہوں نے کہا کہ بلوچستان میں امن و استحکام سے نہ صرف صوبے بلکہ پورے ملک کی ترقی وابستہ ہے۔ انہوں نے بلوچستان کے عوام کی قربانیوں اور مشکلات کا ذکر کرتے ہوئے کہا کہ ان کے مسائل کو ترجیحی بنیادوں پر حل کیا جانا چاہئے تاکہ صوبے میں خوشحالی اور ترقی کی راہ ہموار ہو۔ملاقات میں بلوچستان میں پولیس اصلاحات کو مزید مؤثر اور جدید بنانے کی ضرورت پر زور دیا گیا۔ انہوں نے کہا کہ پولیس اہلکاروں کو جدید تربیت فراہم کرنے، ان کی پیشہ ورانہ صلاحیتوں کو مزید نکھارنے اور ان کی کارکردگی میں بہتری کے لئے جامع اصلاحات کی اشد ضرورت ہے۔ ڈپٹی چیئرمین سینیٹ سیدال خان نے اس بات پر بھی زور دیا کہ امن و امان کے قیام اور جرائم کے خاتمے کے لئے جدید آلات کی فراہمی بے حد ضروری ہے۔ انہوں نے کہا کہ ٹیکنالوجی کے مؤثر استعمال اور جدید آلات کی دستیابی سے سیکیورٹی اداروں کی کارکردگی میں مزید بہتری لائی جاسکتی ہے۔ ڈپٹی چیئرمین سینیٹ نے کہا کہ بلوچستان میں امن و امان کے قیام میں سیکیورٹی فورسز اور پولیس کے جوانوں کی قربانیاں ناقابل فراموش ہیں۔ انہوں نے کہا کہ ان جوانوں نے اپنے فرائض کی ادائیگی کے دوران اپنے جانوں کا نذرانہ پیش کرکے قوم کے تحفظ کو یقینی بنایا ہے۔ انہوں نے اس عزم کا اظہار کیا کہ شہداء کی قربانیاں رائیگاں نہیں جائیں گی۔آئی جی بلوچستان نے ملاقات کے دوران ڈپٹی چیئرمین سینیٹ کو صوبے میں امن و امان کی بحالی اور پولیس اصلاحات کے حوالے سے جاری اقدامات کے بارے میں بریفنگ دی۔ انہوں نے بتایا کہ پولیس فورس کو جدید تربیت فراہم کی جا رہی ہے اور انہیں جدید آلات سے لیس کیا جا رہا ہے تاکہ جرائم کے خاتمے اور عوام کے تحفظ کو یقینی بنایا جا سکے۔ڈپٹی چیئرمین سینیٹ نے آئی جی بلوچستان کی کاوشوں کو سراہتے ہوئے کہا کہ امن و امان کے قیام کے لئے حکومت ہر ممکن تعاون فراہم کرے گی۔بعد ازاں ڈپٹی چیئرمین سینیٹ سیدال خان نے صوبے میں امن و امان کے قیام کے لئے آئی جی بلوچستان اور ان کی ٹیم کی کاوشوں کو سراہتے ہوئے انہیں مکمل تعاون کا یقین دلایا۔ انہوں نے اس امید کا اظہار کیا کہ مشترکہ کوششوں سے بلوچستان میں دیرپا امن قائم ہوگا اور صوبے کی ترقی و خوشحالی کے لئے سازگار ماحول پیدا کیا جائے گا۔