کسی کو پارلیمنٹ کی عزت اور توقیر کو مجروح کرنے کا حق حاصل نہیں،اسپیکر قومی اسمبلی

اسلام آباد(ڈیلی گرین گوادر)اسپیکر قومی اسمبلی سردار ایاز صادق کا کہنا ہے کہ کسی کو پارلیمنٹ کی عزت اور توقیر کو مجروح کرنے کا حق حاصل نہیں،پارلیمنٹ کے تقدس پر کوئی سمجھوتہ نہیں کیا جا ئے گا۔ایک بیان میں انہوں نے کہا کہ انتظامیہ اور عدلیہ دونوں ریاست کے اہم ستون ہیں،اس قسم کے بیانات پارلیمنٹ پر حملے کے مترادف ہیں جو قابل قبول نہیں۔

پارلیمنٹ کی عظمت اور وقار کو برقرار رکھنے کی ضرورت پر زوردیتے ہوئے سردار ایاز صادق کا کہنا تھا وقفہ سوالات کے دوران کسی کو پوائنٹ آف آرڈر پر بات کرنے کی اجازت نہیں۔آج کا پرائیویٹ ممبر ڈے تھا اس لیے قائد حزب اختلاف کو پوائنٹ آف آرڈر پربات کا موقع دیا ،چیف الیکشن کمشنر کی نامزدگی کے حوالے سے حکومت اور اپوزیشن کو باضابطہ خطوط ارسال کردیےہیں۔