خضدار،راولپنڈی جانے والی بس کے قریب دھماکا،ایک مسافر جاں بحق،متعدد زخمی

خضدار (ڈیلی گرین گوادر)خضدار سے راولپنڈی جانے والی مسافر بس بم دھماکیکی زد میں آگئی، واقعے میں ایک مسافر جاں بحق اور متعدد زخمی ہوگئے، دھماکا خیز مواد سڑک کنارے کھڑی گاڑی میں نصب تھا۔

ڈان نیوز کے مطابق ڈپٹی کمشنرخضدار نے بتایا ہے کہ دہشت گردوں نے بس کو کھوڑی کے مقام پر نشانہ بنایا، ابتدائی تفتیش کیمطابق سڑک کنارے کھڑی گاڑی میں آئی ای ڈی نصب تھی۔دھماکے میں جاں بحق مسافر کی لاش اور زخمیوں کو فوری طور پر ٹراما سینٹر خضدار منتقل کردیا گیا۔واقعے میں زخمی بس کنڈیکٹر کی حالت تشویشناک ہے،پولیس کی بھاری نفری نے علاقے کو گھیرے میں لیکر دہشتگردوں کی تلاش شروع کردی۔