بلوچستان میں انسداد پولیو مہم کے دوران 92فیصدہدف حاصل کر لیا گیا،ایمرجنسی آپریشن سینٹر

کوئٹہ(ڈیلی گرین گوادر) بلو چستان میں انسدادپولیو مہم کے دوران 92فیصدہدف حاصل کر لیا گیا۔ ایمرجنسی آپریشن سینٹرحکام کے مطابق بلوچستان میں انسدادپولیو مہم پانچویں روز بھی جاری رہی گزشتہ چار روز کے دوران انسداد پولیومہم کا 92فیصدہدف حاصل کیا گیا، ای او سی حکام کے مطابق 7روزہ انسداد پو لیو مہم کے دوران 26لاکھ سے زائدبچوں کوپولیوسے بچاو سے قطرے پلانے کاہدف مقررہے،ایمرجنسی آپریشن سینٹرحکام کے مطابق بلوچستان کے 36اضلاع میں انسدادپولیومہم 5 جنوری تک جاری رہے گی۔ واضح رہے کہ بلوچستان میں سال 2024 کے دوران پولیووائرس کے 27 کیسزرپورٹ ہوئے تھے۔