بلاول بھٹو زرداری سے برطانوی ہائی کمشنر کی ملاقات، تجارتی تعلقات بڑھانے پر اتفاق

کراچی(ڈیلی گرین گوادر)چیئرمین پاکستان پیپلزپارٹی (پی پی پی) بلاول بھٹو زرداری سے برطانیہ کی پاکستان میں ہائی کمشنر جین میریٹ نے ملاقات کی ہے، ملاقات میں پاک برطانیہ باہمی امور پر تبادلہ خیال کیا گیا۔

جمعرات کے روز پاکستان میں برطانوی ہائی کمشنر جین میرٹ نے کراچی میں بلاول ہاؤس کا دورہ کیا، جہاں انہوں نے چیئرمین پی پی پی بلاول بھٹو زرداری سے ملاقات کی، موقع پر دونوں رہنماؤں نے پاکستان اور برطانیہ کے دوطرفہ تعلقات کے فروغ پر تبادلہ خیال کیا۔

بلاول بھٹو زرداری اور برطانوی ہائی کمشنر کے درمیان باہمی دلچسپی کے امور سمیت پاک، برطانیہ تجارتی اور سماجی رابطوں میں اضافے پر بھی اتفاق کیا گیا۔