کوئٹہ،پولیس کی مختلف کارروائیاں،غیر ملکی باشندوں سمیت 14 ملزمان گرفتار
کوئٹہ (ڈیلی گرین گوادر)کوئٹہ کے مختلف علاقوں میں پولیس کی کاروائیاں غیر ملکی باشندوں، کرایہ داری ایکٹ کی خلاف سمیت 14 ملزمان کو گرفتار کرلیا گیا، بھاری مقدار میں منشیات مسروقہ موٹر سائیکلیں برآمد۔ پولیس حکام کے مطابق بروری روڈ تھانہ پولیس نے کاروائی کرتے ہوئے ملزم عبدالعزیز ولد عاشور قوم ہزارہ سکنہ شجاع آباد کو گرفتار کرکے ملزم کے قبضے سے 590 گرام چرس برآمد کرلی،انڈسٹریل پولیس نے کاروائی کرتے ہوئے ملزم شفیق کے قبضے سے ایک عدد پسٹل بمعہ راونڈ اور 1 کلو گرام آئس برآمد کر لی، تھانہ صدر پولیس نے قتل کے مقدمے میں اشتہاری ملزم محمد آصف ولد محمد خان کو گرفتار کیا۔حکام کے مطابق جناح ٹاؤن پولیس نے قتل کے مقدمے میں ملزم نصیب اللہ ولد فتح محمد کوگرفتار کرلیا جبکہ ایک موٹر سائیکل چور کو بھی گرفتار کر کے مسروقہ موٹر سائیکل برآمد کرلی گئی۔ حکام کے مطابق تھانہ خروٹ آبادپولیس نے ملزم عامر خان ولد عبدالغنی کو گرفتار کرکے ملزم کے قبضہ سے موٹر سائیکل ماڈل برآمد کرلی، پولیس حکام کے مطابق تھانہ کچلاک، بروری نے شفیع اللہ،سیف اللہ،غلام عباس،ہاشم علی،گران کو گرفتار کرلیا۔ پولیس حکام کے مطابق کرایہ داری ایکٹ کی خلاف ورزی کرنیوالوں کیخلاف کاروائی کرتے ہوئے دو افراد کو گرفتار کرلیا، جبکہ مختلف تھانوں کی حدود میں ٹریفک حادثات کے بعد فرار ہونے والے دو ملزمان کو بھی گرفتار کیا گیا۔ پولیس نے مقدمات میں مطلوب 2نامزد ملزمان کو بھی گرفتار کرلیا۔ پولیس حکام کے مطابق گرفتار افراد کے خلاف متعلقہ دفعات کے تحت مقدمات درج کر کے تفتیش شروع کردی گئی ہے۔ پولیس کے مطابق کوئٹہ شہر میں غیر قانونی / فینسی نمبر پلیٹس اور بغیر کاغذات کے 20موٹر سائیکلوں کو قبضہ لیا گیا جبکہ 7 موٹر سائیکلوں کو بروقت ٹریفک سارجنٹ سے چالان کروائے گئے اس کے ساتھ ساتھ 5 نشے کے عادی افراد کو علاج معالجہ کے لئے بحالی مراکز بھی منتقل کیا گیا۔
