مستونگ میں لیویز فورس کی کارروائی،فائرنگ کے تبادلے میں بھاری مقدار میں ہیروئن برآمد
کوئٹہ(ڈیلی گرین گوادر) مستونگ میں لیویز فورس کی کارروائی کے دوران فائرنگ کے تبادلے میں بھا ری مقدار میں ہیروئن بر آمد کر لی۔لیویز حکام کے مطابق مستونگ کے علا قے درینگڑھ میں چیکنگ کے دوران مشتبہ گاڑی کو رکنے کا اشارہ کیا جس پر ڈرائیور نے فرار ہونے کی کوشش کی، لیویز فورس نے گاڑی کا پیچھا کیا اس دوران فائرنگ کے تبادلے میں ڈرائیور سمیت گاڑی میں سوار دو افراد فرار ہو گئے تاہم لیویز نے گاڑی کو تحویل میں لینے کے بعد گاڑی کے خفیہ خانوں سے بھا ری مقدار میں ہیروئن بر آمد کر لی مزید کارروائی جا ری ہے۔
