کراچی اور کوئٹہ والے اپنے صوبوں میں احتجاج کریں،علیمہ خان

اسلام آباد(ڈیلی گرین گوادر)بانی پی ٹی آئی کی بہن علیمہ خان کا کہنا ہے ہم اگر اکیلے ڈی چوک پہنچے اور گرفتار ہوئے تو 24 نومبر کو بھی لوگ پہنچیں گے۔میڈیا سے گفتگو کرتے ہوئے انہوں نے کہا مریم نواز پنجاب میں غیر آئینی کام کر کے ہمیں روکنے کی کوشش کریں گی،بانی پی ٹی آئی نے کہا حکومت کتنے لوگوں کو گرفتار کرے گی؟

جب تک مطالبات نہیں مانے جاتے احتجاج جاری رہے گا،احتجاج میں ارکانِ قومی اور صوبائی اسمبلی آگے آگے ہوں گے۔کراچی اور کوئٹہ والے اپنے صوبوں میں احتجاج کریں،پانچ اکتوبر کا احتجاج 26ویں آئینی ترمیم کے خلاف تھا۔