نصیرآباد میں فائرنگ سے دو افراد شدید زخمی
کوئٹہ(ڈیلی گرین گوادر) نصیر آباد کے علاقے میں فائرنگ سے دو افراد شدید زخمی ہوگئے۔ پولیس حکام کے مطابق بدھ کو نصیر آباد کے علاقے چھتر میں وزیرانی کے مقام پر فائرنگ کے نتیجے میں دو بھائی شدید زخمی ہوگئے جبکہ واقعہ کے بعد حملہ آور فرار ہونے میں کامیاب ہوگئے۔ پولیس نے دونوں زخمیوں کو طبی امداد کے لئے ڈیرہ مراد جمالی منتقل کردیا۔پولیس کے مطابق واقعہ پرانی دشمنی کا نتیجہ معلوم ہوتا ہے۔مزید کاروائی جاری ہے۔
