پنجگور،دو گروپوں کے درمیان تصادم، 2 سگے بھائیوں سمیت تین افراد جاں بحق، دو زخمی
پنجگور(ڈیلی گرین گوادر)پنجگور میں دو گروپوں کے درمیان تصادم دو سگے بھائیوں سمیت تین افراد جاں بحق جبکہ دو زخمی ہوگئے۔پولیس کے مطابق پنجگور کے علاقے چتکان غریب آباد میں دو گروپوں کے درمیان تصادم کے نتیجے میں دو سگے بھائی سفیر ولد حسین علی،مجاہد ولد حسین علی ورحاجی نوید ولدلعل بخش جاں بحق جبکہ جمشیر ولد حسین علی،فرید ولد لعل بخش،شہزاد ولد لعل بخش زخمی ہوگئے ہیں جنہیں فوری طورپر ہسپتال منتقل کر دیا گیا جہاں ضروری کارروائی کے بعد لاشیں ورثاء کے حوالے کر دی گئیں،پولیس کے مطابق تصادم کے نتیجے میں جاں بحق اور زخمی ہونے والے افراد آپس میں قریبی رشتہ دار ہیں مزید کارروائی جا ری ہے۔
