حب ،موسلی چڑھائی کے مقام پر زائرین کی بس کھائی میں جاگری، ایک شخص جاں بحق ،11 افراد زخمی

حب(ڈیلی گرین گوادر)حب کے علاقے ویراب کے قریب موسلی چڑھائی کے مقام پر زائرین کی بس کھائی میں جاگری،پولیس کے مطابق حادثے کے نتیجے میں ایک شخص جاں بحق 11 افراد زخمی ہوگئے ہیں زخمیوں میں دو کی حالت تشویشناک بتائی جاتی ہے، زائرین کی بس درگاہ شاہ نورانی سے واپس آرہی تھی کہ حادثہ پیش آیا بس کو حادثہ بریک فیل ہونے کے باعث پیش ایا،پولیس نے بتایا کہ زائرین کا تعلق کراچی سے ہے،زخمیوں میں مرد خواتین اور بچے شامل ہیں،زخمیوں کو حب کے گورنمنٹ جام غلام قادر ہسپتال منتقل کیا جا رہا ہے۔