خضدار میں دستی بم حملہ،1 شخص زخمی
خضدار(ڈیلی گرین گوادر) خضدار میں دستی بم حملہ1 شخص زخمی ہو گیا۔ تفصیلات کے مطابق خضدار کے علا قے کراچی روڈ پر واقعہ سر کا ری محکمہ کے احاطہ میں نامعلوم افراد نے دستی بم پھینکا جو زور دار دھما کے سے پھٹ گیا جس کے نتیجے میں ایک شخص زخمی اور ایک گاڑی کو نقصان پہنچا، واقعہ کی اطلاع ملتے ہی سیکورٹی فورسز نے جائے وقوعہ پہنچ کر علا قے کو گھیرے میں لینے کے بعد شواہد اکھٹے کر کے ملزمان کی تلاش شروع کر دی۔ڈپٹی کمشنر خضدار یاسر اقبال دشتی نے جائے وقوعہ پہنچ کر لیویز فورس کو سیکورٹی مزید سخت کرنے کی ہدایت جاری کرتے ہوئے کہاکہ شہر کے داخلی و خارجی راستوں کی کڑی نگرانی کی جائے۔
