بیلہ کے قریب ٹرالر اور دو موٹر سائیکلوں میں خوفناک تصادم،2 افراد جاں بحق
اوتھل (ڈیلی گرین گوادر) شیشہ ہوٹل بیلہ کے قریب ٹرالر اور دو موٹر سائیکلوں میں خوفناک تصادم،دو افراد موقع پر جاں بحق دو افراد شدید زخمی،ریسکیو زرائع کے مطابق بیلہ شہر کے قریب شیشہ ہوٹل کے مقام پر مین قومی شاہراہ پر ٹرالر اور دو موٹر سائیکلوں میں المناک تصادم کے نتیجے میں دو افراد موقع پر ہی جان بحق اور دو افراد شدید زخمی ہوگئے۔نعشوں اور زخمیوں کو سول ہسپتال بیلہ منتقل کردیا گیا۔جان بحق ہونے والوں کی شناخت محمد سلیم ولد جان محمد ساکن کھٹان ضلع خضدار اور عبد الستار ولد عبد الرحمن سکنہ صادق آباد (پنجاب) اور زخمیوں کی شناخت سیف اللہ ولد عبدالغنی سکنہ باغبانہ ضلع خضدار اور شامیر ابڑو ولد قدیر احمد سکنہ صادق آباد (پنجاب) کے نام سے ہوئی جنہیں طبی امداد کے بعد ٹراما سینٹر کراچی منتقل کردیا گیا۔
